অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

केंद्र प्रायोजित जोजनां

मैट्रिकोत्तर छात्रवृति जोजना

इस जोजना दा उदेश्य मैट्रिकोत्तर जां मध्यमिकोत्तर स्तर उप्पर पढ़ने आह्ले अनुसूचित जाति दे छात्रें गी वित्तियमदद प्रदान करना ऐ तां जे ओह् अपनी शिक्षा पूरी करी सकै ।

मुख विशेशतां

वित्तिय मदद च अनुरक्षन भत्ता , शैक्षिक संस्थानें आसेआ प्रभारित अप्रतिदेय जरूरी फीस दी प्रतिपूती , बुक बैंक सुविधा ते बाकी भत्ते शामल न । एह् छात्रवृति सिर्फ भारत च पढ़ने आस्तै उपलब्ध ऐ ते राज्य / संघ राज्य खेत्तर सरकारें आसेआ बास्तव च हुंदे कन्नै सरबंधत अवेदक गी प्रदान कीती जंदी ऐ ।

पात्रता

स जोजना दे तैह्त पात्र होने आस्तै छात्र आसेआ लिखीं अपेक्षाएं गो पूरी करनी चाहिदा ऐ :-

  • ओह् अनुसूचित जाति दा होऐ ते ओह्दे मांऽ–प्योऽ अभिभावक दी औंदनी 2.5 लक्ख रपेऽ हर साल थमां मती नेईं होनी चाहिदी ऐ ।
  • ओह् कुसै होर केंद्र थमां वित्त पोशित (फ़ंड) मैट्रिकोत्तर छात्रावृति दा प्राप्त कर्ता नेईं होना चाहिदा ।
  • ओह् सरकारी विद्यालय जां सरकार जां केंद्रीय / राज्य मध्यमिक शिक्षा बोर्ड आसेआ मानता प्राप्त कुसै विद्यालय च रैगुलर छात्र होना चाहिदा ऐ ।

लाऽ लैने आह्ले छात्रे आसेआ जोजनाएं दे अंतर्गत लाऽ हासल करने दी कार्यवृधि

सारें पात्र छात्रें मैट्रिकोत्तर छात्रावृति जोजना दे अंतर्गत अवेदन प्रस्तुत करने आस्तै स्कूल प्राधिकरीयें ते जिला समाहर्ता कन्नै संपर्क करो ।

मैट्रिक- पूर्व छात्रवृत्ती

कलास नौंमी (ix ) ते दसमीं (x ) च पढ़ै करदे अनुसूचित जाति दे छात्रे आस्तै मैट्रिक पूर्व छात्रवृति सरकार ने तरीक 01.07.2012 शा कलास नौंमी (ix ) ते दसमीं (x ) च पढ़ै करदे अनुसूचित जाति दे समुदाय कन्नै सरबंधत छात्रें आस्तै मैट्रक –पूर्व छात्रवृति दी इक केंद्रिय प्रायोजित जोजना दी शुरूआत करने दा फैसला लैता । इस जोजना दा उदेश्य कलास नौंमी (ix ) ते दसमीं (x ) पढ़ै करदे अनुसूचित जाति दे छात्रें माता-पिता गी मदद प्रदान करना ऐ जह्दे कन्नै बशेश तौर पर शुरू थमां माध्यमिक स्तर दे संक्रमन दे दौरान स्कूल छोड़ने दी घटना घट्ट होई सकै । जोजनें दियां मुक्ख बिशेशतां हेठ लिखियें अनुसार ऐ :-

(क) इस जोजना दे अंतर्गत पात्र होने आस्तै , छात्रें गी हेठ लिखे पात्रता गी पूरा करना होग ।

  • ओह् अनुसूचित जाति कन्नै सबंधत होऐ ते ओह्दे माता-पिता /अभिभावक दी सालाना औंदनी 2 लक्ख शा मती नईं होनी चाहिदी ।
  • छात्रें गी केंद्र थमां वित्त पोशित (फ़ंड) कोई होर मैट्रिक –पूर्व छात्रवृति नेईं मिलै करदी होऐ ।
  • कुसै सरकारी जां सरकार आसेआ मानता प्राप्त जां केंद्रीय / राज्य माध्यमिक शिक्षा बोर्ड आसेआ मानता प्राप्त विध्यालय च नियमत ते पूर्नकालिक छात्र होना चाहिदा ऐ ।

लाऽ लैने आह्ले आसेआ जोजनाएं दे तैह्त छात्रवृति हासल करना चांह्दे न । उ’नेई अपने छात्रवृति आवेदनें गी स्कूल प्राधिकारीयें गी प्रस्तुत करना चाहिदा ऐ ।

जोखिमपूर्न कम्मकाज करने आह्लें माह्नूएं दे ञ्यानें आस्तै

सफाई ते सेह्त दी द्रश्टि कन्नै जोखमपूर्न कम्मकाज करने आह्ले माह्नूएं दे ञ्यानें आस्तै मैट्रिकपूर्व इस जोजना दे तैह्त हेठ लिखे समूहें जि’यां –

  1. शुश्क शौचालयें गी साफ करने आह्ला माह्नू ,
  2. स्केवेंजिंग दी परम्परागत प्रथा च संलग्न स्वीपर ,
  3. चमड़ा रंगने आह्ले माह्नू
  4. चमड़ा दरेडने आह्ले माह्नू
  5. मेनहोल ते खुल्ली नालियें गी साफ करने आह्ला माह्नू
  6. कूड़ा किट्ठा ते सुट्टने आह्लें दे ञ्यानें गी मैट्रिक-पूर्व शिक्षा च वित्तीय मदद प्रदान कीती जंदी ऐ ।

प्रमुक्ख बिशेशतां

इस जोजना दे तैह्त मदद दे दो घटक न ,

  • मासिक छात्रवृत्ती (10 म्हीने आस्तै )
  • सालाना आरजी अनुदान (स्टेशनरी , यूनिफ़ार्म बगैरा ज्नेह् आकस्मिक खर्च गी कवर करने आस्तै )
  • पात्रता आस्तै कोई औंदनी सीमा जां जाति प्रतिबंध नेईं ऐ ।
  • लक्षित समूह च विकलांग (अंगहीन) छात्रें आस्तै बशेश प्रावधान ऐ ।
  • जोजा दे मुक्ख प्रावधान

बाबू जगजीवन राम छात्रावास जोजना

  • इस जोजना दा उदेश्य मध्यमिक विध्यालायें , उच्च मध्यमिक विध्यालयें , कालजें , विश्वविद्यालयें च पढ़ै करदे अनुसूचित जाती दे जागतें ते कुड़ियें गी छात्रावास सुविधाएं प्रदान करना ऐ ।

प्रमुख विशेशतां

राज्य सरकारें / संघ राज्य खेत्तर प्रशासन ते केंद्रिय ते राज्य विशविद्यालय / संस्थाएं नमें छात्रावास भवनें दे निर्मान ते मजूदा छात्रावास सुविधाएं दे विस्तार , दौने आस्तै केंद्रिय मदद दे पात्र न जदके गैर सरकारी संगठन ते निजी खेत्तर दे मानित विशविद्यालय सिर्फ हुंदी मजूदा छात्रावास सुविधाएं दे विस्तार करने आस्तै ऐसी मदद दे पात्र न ।

अनुसूचित जाति दे छात्रें दी जोगता दी भलाई

इस जोजना दा उदेश्य आवासिय विद्यालयें च शिक्षा दे माध्यम कन्नै पूरे तौर उप्पर विकास आस्तै सुविधाएं प्रदान करियै अनुसूचित जाति दे छात्रें दी जोगिता दा उन्नयन करना ऐ । एह् (प) हुंदी शैक्षिक कमियें गी दूर करियै (पप) हुंदी जोगता द उन्नयन करियै व्यवसायक पाठ्यक्र्में च हुंदे प्रवेश गी सुगम बनाना (पपप ) हुंदे च आत्मविश्वास ते आत्म-निर्भरता लाइयै कीते जाने दा प्रस्ताव ऐ । कलास नौ शा कलास दस च पढ़ने आह्ले अनुसूचित जाति दे छात्र इस जोजना दे तैह्त पात्र न ।

प्रमुख विशेशतां

25000 रपेऽ हर छात्र हर साल दे पैकेज अनुदान दे माध्यम कन्नै राज्य / संघ राज्य खेत्तर गी 100 % केंद्रिय मदाद हासल करना ऐ । बशेश भत्ते जि’यां :-

  • पाठक भत्ता
  • यातायात भत्ता

स्तोत्र : सामाजिक न्यांऽ ते अधिकारिता मंत्रालय , भारत सरकार

Last Modified : 6/17/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate