प्रधानमंत्री सुरक्षा बीमा जोजना इस चाल्लीं दी दुर्घटना बीमा पालिसी ऐ जेह्दे तैह्त दुर्घटना बेलै मौत ते अंगहीना होने उप्पर बीमा दी रकम आस्तै कलेम कीटा जाई सकदा ऐ । प्रधानमंत्री सुरक्षा बीमा जोजना दे तैह्त 12 रुपे साल दे प्रीमियम उप्पर दुर्घटना बीमा कीता जाह्ग । प्रधानमंत्री सुरक्षा बीमा जोजना इस साल तकर बैलिड रौह्ग जिसगी हर साल बाद रिन्यू कराना होग । एह् जोजना 18-70 साल दे लोकें आस्तै ऐ प्रधानमंत्री सुरक्षा बीमा जोजना दे तैह्त मौत जां अंगहीना होने उप्पर दो लक्ख रुपे ते अंशक तौर उप्पर अपंग होने उप्पर इक लक्ख रुपे S बीमा रकम दित्ती जाह्ग ।
प्रधानमंत्री सुरक्षा बीमा जोजना कन्नै 18 शा 70 साल दा माह्नू जुड़ी सकदा ऐ । प्रधानमंत्री सुरक्षा बीमा जोजना कन्नै जुडने उप्पर 12 रुपेS हर साल दी रकम प्रीमियम दे तौर उप्पर धारक गी देनी होग ।
प्रधानमंत्री सुरक्षा बीमा जोजना दा हिस्सा बनने आस्तै धारक गी सारें शा पैह्लें अपने आधार कार्ड गी बैंक कन्नै जोड़ना होग एह्दे बाद हर साल 1 जून थमां पैह्लें इक फार्म भरियै बैंक च देना होग ।
इस जोजना आस्तै धारक गी सिर्फ 12 रुपेS हर साल देना होग जेह्ड़ा खाते चा बैंक आसेआ सिद्धे कट्टी लैता जाह्ग ।
प्रधानमंत्री सुरक्षा बीमा जोजना हर चाल्लीं दी नामित बीमा कंपनियें ते बैंक च शुरू कीती गेई ऐ । एह्दे लावा बाकी होर बीमा कंपनी जेह्ड़ी हर चाल्लीं दियें शर्तें कन्नै इस प्रधानमंत्री सुरक्षा बीमा जोजना गी सुचारू करै दीयां न ओह् बी इस जोजना च शामाल न । इस बेलै एह् जोजना एस बी आई बैंक आसेआ शुरू कीती जाह्ग । बाद च ईसगी होर निजी बैंक ते एल आई सी दे कन्नै जोड़ी दित्ता जाह्ग ।
इस जोजना आस्तै सरकार आसेआ हर साल फैसले लैते जाङन , कन्नै गै बीमा रकम पब्लिक वेलफेयर फंड आसेआ दित्ती जाह्ग ।
प्रधानमंत्री सुरक्षा बीमा जोजना उप्पर टैक्स फ्री ऐ । जेकर बीमा पालिसी दे तैह्त 1 लक्ख रुपेS दित्ते जा करदे न ब फार्म 15 G जां फार्म 15 H जमा नेईं कीता गेआ ऐ तां कुल औंदनी शा 2% TDS कट्टी लैता जाह्ग ।
Last Modified : 2/14/2020